პარლამენტის განათლების კომიტეტის თავმჯდომარის, ვანო კიღურაძის განცხადებით, აღმაშფოთებელია იმ მინიშნებების მოსმენა, როცა „რუსთავი 2“-ის დამფუძნებლის, ეროსი კიწმარიშვილის მკვლელობას ხელისუფლებას აბრალებენ.
„რუსთავი 2“-ის გარშემო განვითარებულ მოვლენებზე, კიღურაძემ დღევანდელ პლენარულ სხდომაზე ისაუბრა.
„თუკი გონივრული ეჭვი არსებობს, რომ ეროსი კიწმარიშვილს სიცოცხლე მოუსწრაფეს, მაშინ საინტერესოა, ეჭვი ვის მიმართ წამოიშვება? - მათ მიმართ, ვინც ეროსის ეს ტელევიზია წაართვა. აღმაშფოთებელია ის მინიშნებები, როცა მკვლელობას გვაბრალებენ. ამაში პირადად მე არ ვიგულისხმები, მაგრამ ჩვენი ხელისუფლება იგულისხმება. ეროსის მკვლელი იქ მოიკითხეთ, ვისაც ხელები აქვს გასვრილი - სანდრო გირგვლიანის, ზურა ვაზაგაშვილის, ბუტა რობაქიძის სისხლში და ვინც საქართველოს პრემიერ-მინისტრის, რაულ უსუპოვისა და სამხარაულის მკვლელობები შეუკვეთა. სანამ განცხადებას გააკეთებთ, კარგად დაფიქრდით“, - მიმართა უმცირესობას კიღურაძემ.
პარლამენტში უმცირესობის მიერ მომზადებულ განცხადების პროექტზე მსჯელობენ, რომელიც მედიაში განვითარებულ მოვლენებს ეხება.
