საქართველოს საგარეო საქმეთა სამინისტრო, თურქეთის დედაქალაქ ანკარაში მომხდარი აფეთქების გამო, რომლის შედეგად დაიღუპა ათობით ადამიანი, და ასზე მეტი დაიჭრა, ღრმა მწუხარებას გამოხატავს.
"საქართველოს საგარეო საქმეთა სამინისტრო გულწრფელად უთანაგრძნობს დაღუპულთა და დაშავებულთა ოჯახებს და სრულ სოლიდარობასა და მხარდაჭერას უცხადებს თურქეთის ხელისუფლებასა და ხალხს.
საქართველო მკაცრად გმობს ტერორიზმს, ასევე ძალადობის ნებისმიერ გამოვლინებას და განსაკუთრებულ მნიშვნელობას ანიჭებს საერთაშორისო თანამეგობრობის გაერთიანებულ ძალისხმევას ამ ბოროტების წინააღმდეგ ბრძოლაში", -ნათქვამია საქართვლოს საგარეო უწყების მიერ გავრცელებულ განცხადებაში.
თურქეთის დედაქალაქ ანკარაში მომხდარი ტერაქტის შედეგად გარდაცვლილთა რაოდენობა 95-მდე გაიზარდა, დაშავებულთა რაოდენობამ კი 246-ს მიაღწია.