საქართველოს კათალიკოს-პატრიარქი, ილია მეორე იმედს გამოთქვამს, რომ რუსეთისა და საქართველოს ურთიერთობები გამოსწორდება და საქართველო აფხაზეთსა და და სამაჩაბლოს დაიბრუნებს.
დღეს, საკვირაო ქადაგებისას პატრიარქმა, განაცხადა ასევე, რომ მან 1960 წელს მოსკოვის სასულიერო სემინარია დაამთავრა.
პატრიარქი მოსკოვის სასულიერო სემინარიის და აკადემიის რექტორს, ვერიის მთავარესპისკოპოსს ევგენის მასპინძლობს, რომელსაც წმინდა სამების ხატი გადასცა.
"მისწავლია ამ წმინდა მონასტერში რვა წლის განმავლობაში. ეს რუსეთის მართლმადიდებელი ეკლესიის სულიერი საბადოა. მე გულითადად მივესალმები მთავარეპისკოპოს ევგენის, მის თანმხლებ პირებს, უცხოეთიდან ჩამოსულ სტუმრებს. იმედი მაქვს, რომ სირთულეები, რომელიც რუსეთსა და საქართველოს შორის არსებობს, გამოსწორდება და საქართველო აფხაზეთსა და და სამაჩაბლოს დაიბრუნებს. საქართველო ყოვლადწმინდა ღვთისმშობლის წილხვედრია. ჩვენ ღვთისმშობელ დედას შევთხოვთ, რომ მშვიდობა, სიხარული და სიყვარული სუფევდეს ჩვენს ქვეყნებში და ჩვენს ეკლესიებში", - ბრძანა პატრიარქმა.
მრევლს მთავარეპისკოპოსმა ევგენიმაც მიმართა და აღნიშნა, რომ მოსკოვისა და თბილისის სასულიერო აკადემიებს შორის გაფორმებულია თანამშრომლობის შეთანხმება და ეს თანამშრომლობა მომავალშიც გაგრძელდება.
