სექტემბრიდან, საქართველოს საჯარო სკოლის ყველა მასწავლებელი გაზრდილ ხელფასს მიიღებს, - ამის შესახებ ,,ჯი-ეიჩ-ენს” განათლების სამინიტროდან აცნობეს.
უწყების ინფორმაციით, მასწავლებლების საბაზო ხელფასი 50-ლარით გაიზრდება. ამის გარდა მეორე საფეხურის მასწავლებელი მიიღებს დანამატს 160 ლარის ოდენობით; მესამე საფეხურის მასწავლებელი მიიღებს დანამატს 250 -ლარის ოდენობით; მეოთხე საფეხურის მასწავლებელი კი მიიღებს დანამატს 300 ლარის ოდენობით.
განათლების სამინისტროს ცნობით, 2016 წლის 1 აპრილიდან, მასწავლებლის საბაზო ხელფასი გაიზრდება კიდევ 50 ლარით. ამის გარდა მეორე საფეხურის მასწავლებელი მიიღებს დანამატს 180 ლარის ოდენობით; მესამე საფეხურის მასწავლებელი მიიღებს დანამატს 270 ლარის ოდენობით; მეოთხე საფეხურის მასწავლებელი მიიღებს დანამატს 400 ლარის ოდენობით.
