გარემოსდაცვითი ზედამხედველობის დეპარტამენტის აღმოსავლეთ-ცენტრალური სამმართველოს მცხეთა-მთიანეთის სამსახურის თანამშრომლებმა წყლის რესურსების კანონმდებლობის დარღვევის ორი ფაქტი გამოავლინეს. სამართალდამრღვევები მათ მფლობელობაში მყოფ სატრანსპორტო საშუალებებს დუშეთის რაიონის სოფელ ჭოპორტის მიმდებარედ მდინარე არაგვში რეცხავდნენ.
აღსანიშნავია, რომ ავტომობილის არხში, მდინარეებში და ტბებში რეცხვისას იმღვრევა წყალი, მასში ჩაედინება შეწონილი ნაწილაკები, რაც თავისთავად უარყოფით გავლენას ახდენს წყალში არსებულ ცოცხალ ორგანიზმებზე. ასევე, არის შემთხვევები, როდესაც ადამიანები ავტომობილს სარეცხი საშუალებებით რეცხავენ, ქიმიკატები კი პირდაპირ წყალში ხვდება. ამასთან, ავტომობილი მოძრაობისას მუდმივად ისვრება საწვავ-საპოხი (ნავთობპროდუქტები) ნივთირებებით, რომლებიც ძალიან დიდ ზიანს აყენებენ წყალში მცხოვრებ თითოეულ ორგანიზმს.