გაერთიანებული ერების ორგანიზაციამ განაცხადა, რომ ამ საუკუნის ბოლოსთვის დედამიწაზე 11 მილიარდი ადამიანი იცხოვრებს. მსოფლიო მოსახლეობის ნახევარზე მეტი, კონცენტრირებული იქნება აფრიკის ქვეყნებში.
ჯერ კიდევ 2050 წელს მსოფლიო მოსახლეობა დღევანდელი 7.3 მილიარდიდან 9.7 მილიარდამდე გაიზრდება, ხოლო 2100 წლისთვის აფრიკის მოსახლეობა 1,2 მილიარდიდან 5,6 მილიარდ ადამიანამდე გაიზრდება .
გაეროს ექსპერტები საუბრობენ იმაზე, რომ ღარიბ ქვეყნებში მოსახლეობის ასეთი ტემპით ზრდა მიგვიყვანს გარემოს დაბინძურებამდე, გაჩნდება რესურსების ნაკლებობა, მოხდება უმუშევრობის, სიღარიბის, დანაშაულის ზრდა და პოლიტიკური არასტაბილურობა.
აშშ-ს მოსახლეობა ყოველწლიურად გაიზრდება საშუალოდ 1,2 მილიონი ადამიანით და საუკუნის ბოლოსკენ 322 მილიარდიდან 450 მილიარდ ადამიანამდე იქნება.
აზიის მოსახლეობის რიცხვი შუა საუკუნისკენ პიკს მიაღწევს 5,3 მილიარდი ადამიანი დღევანდელი 4,4 მილიარდთან შედარებით. ხოლო, საუკუნის ბოლოს მოსახლეობის რაოდენობა დაახლოებით 4,9 მილიარდი იქნება.
ამასთან, გაერო არ გამორიცხავს შობადობის უპრეცედენტო შემცირებას ცენტრალური აფრიკის ზოგიერთ ნაწილში. ზრდის შემცირების ალბათობა გაეროს თვალსაზრისით 2100 წლისთვის 23%-ია. ამგვარად, მსოფლიო მოსახლეობის რაოდენობა საუკუნის ბოლოსკენ 9,5 მილიარდიდან 13,3 მილიარდი ადამიანია.
ამასთან საუბარია იმაზე, რომ ძალიან ბევრ ქვეყანაში ეცემა შობადობის დონე. 83 ქვეყანაში შობადობის დონე თაობათა ცვლის შესაბამისად შეადგენს 2,1 ბავშვს ერთ ქალზე.
შობადობის მაღალი დონე (5-6 ბავშვი ერთ ქალზე) აღინიშნება ქვეყნებში, რომელიც მთელი მსოფლიო მოსახლეობის 9% შეადგენს, ძირითადად აფრიკის სახელმწიფოში. თუმცა, ამ ქვეყნებშიც არსებობს შობადობის შემცირების ტენდენცია, - აცხადებს გაერო.