დიდუბეში, ელიავას ბაზრობის ტერიტორიაზე გაჩენილი ხანძრის ლოკალიზების პროცესში ავიაციაც ჩაერთო. ხანძრის ჩასაქრობას ასევე მობილიზებულია 20-მდე სახანძრო მანქანა, სამაშველო ჯგუფი და სპეცტექნიკა, ადგილზე ასევე, რჩება სასწრაფო-სამედიცინო სამსახურის ბრიგადები და საპატრულო პოლიციის ეკიპაჟები.
საღებავების საწყობში ცეცხლი დაახლოებით 1 საათის წინ გაჩნდა. არიან დაშავებულები, რომლებიც სასწრაფო დახმარების ბრიგადებმა საავადმყოფოში გადაიყვანეს. ვრცელდება ინფორმაცია, რომ ხანძრის შედეგად ორი პირი დაიკარგა.
