მაშველებმა უშბაზე ჩარჩენილი ბელორუსი ალპინისტი, სამაშველო ოპერაციის შედეგად, მესტიაში გადაიყვანეს. იგი თავს კარგად გრძნობს. ასევე მესტიის საავადმყოფოშია გადასვენებელი გარდაცვლილი მთამსვლელი.
სამაშველო სამუშაოები დღეს დილიდან განახლდა ადგილობრივი და თბილისიდან ჩასული მაშველების მონაწილეობით. ბელორუსი მთამსვლელები მწვერვალის სამხრეთ-დასავლეთ კედლის ისეთ მონაკვეთზე იმყოფებოდნენ, სადაც ვერტმფრენი ვერ ახერხებდა მისვლას, თუმცა საბოლოოდ მაინც შეძლეს მიახლოება და მათი გადმოყვანა.
ორი ბელორუსი მთამსვლელი მწვერვალზე ასვლას გუშინ ე.წ "მეშლიაევის" მარშრუტით ცდილობდა, თუმცა სავარაუდოდ ქვის ცვენის გამო ერთი ბელორუსი მთამსვლელი კედელს მოწყდა და დაიღუპა.