4 აგვისტოს, 11 საათზე, ფალიაშვილის ქუჩა 41-ში მდებარე ვაკის მუნიციპალიტეტის შენობაში, საქართველოს წითელი ჯვრის საზოგადოება (სწჯს) ვაკის გამგეობასთან ერთად ჰუმანიტარულ დახმარებას დაარიგებს. პირველადი მოხმარების ნივთები დაურიგდება 13 ივნისის სტიქიის შედეგად დაზარალებულ თბილისსა და მის მიმდებარე ტერიტორიაზე მცხოვრებ 150 ოჯახს.
დაზარალებულთა დახმარება შესაძლებელი გახდა წითელი ჯვრისა და წითელი ნახევარმთვარის საზოგადოებათა საერთაშორისო ფედერაციის მეშვეობით.
დაზარალებულებს ჰუმანიტარულ დახმარებას გადასცემენ საქართველოს წითელი ჯვრის საზოგადოების პრეზიდენტი, ნათია ლოლაძე და ვაკის რაიონის გამგებელი ლაშა აბაშიძე.