უმაღლესი საგანმანათლებლო დაწესებულებების სტუდენტებს წელიწადში ორჯერ ეძლევათ შესაძლებლობა, ისარგებლონ მობილობით და გადავიდნენ სხვა უმაღლეს საგანმანათლებლო დაწესებულებაში. ამისათვის, სტუდენტი ონლაინ რეჟიმში უნდა დარეგისტრირდეს ელექტრონულ პორტალზე - www.students.eqe.ge.
ელექტრონულ პორტალზე სტუდენტთა განაცხადების რეგისტრაცია დაიწყება 3 აგვისტოს 11:00 საათზე და გაგრძელდება 20 აგვისტოს 18:00 საათამდე.
ამ ვადის განმავლობაში სტუდენტს შეუძლია პრიორიტეტების მიხედვით. ხუთი საგანმანათლებლო პროგრამა აირჩიოს. მობილობის კონკურსში გამარჯვება დამოკიდებულია სტუდენტის მიერ ერთიან ეროვნულ გამოცდებზე დაგროვებულ სკალირებულ ქულაზე.
მობილობაში მონაწილე პირები რეგისტრაციის დაწყებიდან შედეგების გამოქვეყნების დღის ჩათვლით ეტაპობრივად მიიღებენ მოკლე ტექსტურ შეტყობინებებს მობულურ ტელეფონებზე და ასევე ელ.ფოსტაზე. იმუშავებს მობილობის ცხელი ხაზი და ცენტრის ოპერატორები სტუდენტებს დახმარებას გაუწევენ. ტელ.: (+99532) 2 200 220 (შიდა 3522 და 3523). ასევე სტუდენტებს ექნებათ შესაძლებლობა კითხვები გამოაგზავნონ ელ.ფოსტაზე: mobility@eqe.ge.
მობილობის საფასური 40 ლარია. სოციალურად დაუცველი ოჯახების წარმომადგენელი სტუდენტები გადასახადისაგან თავისუფლდებიან. მობილობის საფასურის გადახდა შესაძლებელია „საქართველოს ბანკის“ ნებისმიერ ფილიალში ან სწრაფი გადახდის აპარატებისა და ინტერნეტის მეშვეობით.
მობილობაში მონაწილეობას იღებს 63 უმაღლესი საგანმანათლებლო დაწესებულება. სულ გამოცხადებულია 13797 ვაკანტურიადგილი.
დაწესებულებები, რომლებიც 2015-2016 წლის შემოდგომის სემესტრის მობილობაში არ მონაწილეობენ:
1. პეტრე შოთაძის სახელობის თბილისის სამედიცინო აკადემია;
2. უსფ - ამერიკული ჰუმანიტარული უნივერსიტეტის თბილისის ფილიალი - სასწავლო უნივერსიტეტი;
3. სასწავლო უნივერსიტეტი „ბაუ ინთერნეიშენალ უნივერსითი, ბათუმი";
4. სსიპ - საქართველოს შინაგან საქმეთა სამინისტროს აკადემია;
5. სსიპ - დავით აღმაშენებლის სახელობის საქართველოს ეროვნული თავდაცვის აკადემია;
ასევე, სპეციფიკიდან გამომდინარე, მობილობაში არ მონაწილეობს საპატრიარქოს მიერ დაფუძნებული ექვსი უმაღლესი საგანმანათლებლო დაწესებულება.
მობილობის შედეგები გამოქვეყნდება 24 აგვისტოს განათლების ხარისხის განვითარების ეროვნული ცენტრის ვებგვერდზე. შედეგების გამოცხადებისთანავე სტუდენტმა დაუყოვნებლივ უნდა მიმართოს მიმღებ საგანმანათლებლო დაწესებულებას.
ცენტრი მობილობით დაინტერესებულ პირებს ამჯერადაც სთავაზობს ღია კარის დღეებს 4 აგვისტოს 11:00 საათზე და 18 აგვისტოს 11:00 საათზე. სტუდენტებს შესაძლებლობა ეძლევათ, შეხვდნენ ცენტრის წარმომადგენლებს და მობილობასთანდაკავშირებულ საკითხებზე მიიღონ მათთვის საინტერესო ინფორმაცია. მონაწილეებს დაურიგდებათ საინფორმაციობუკლეტები.
