თბილისის მუნიციპალიტეტის საკრებულოს ჩუღურეთის რაიონის მაჟორიტარი დეპუტატი - რიმა ბერაძე საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრთან - სოზარ სუბართან ერთად სასტუმრო „კოლხეთში“ მცხოვრებ იძულებით გადაადგილებულ პირებს შეხვდა.
დევნილებთან შეხვედრა რიმა ბერაძის შუამდგომლობით გაიმართა.
„სასტუმრო კოლხეთში იძულებით გადაადგილებული 110-მდე ოჯახი ცხოვრობს.
ამ ადამიანებმა მე როგორც რაიონის მაჟორიტარ დეპუტატს, მინისტრთან შეხვედრის ორგანიზება მთხოვეს, რათა პირადად გასაუბრებოდნენ მას. მინისტრმა, მოსახლეობის თხოვნა უყურადღებოდ არ დატოვა და დევნილებს ესტუმრა. სოზარ სუბარმა ყველა კითხვას ამომწურავი პასუხი გასცა და მათ საბინაო პირობების გაუმჯობესებაზე ესაუბრა.
შენობაში, რომელშიც უკვე თაობები გაიზარდა, ინფრასტრუქტურა უმძიმეს მდგომარეობაშია. მომდევნო 9-10 თვის მანძილზე ეტაპობრივად მოხდება ამ ოჯახების სასტუმროდან გაყვანა, მათი ბინებით დაკმაყოფილება და შესაბამისად, ობიექტის დახურვა.
ასე, რომ ისინი სულ მალე ახალ მოსახლეობას იზეიმებენ“, - განაცხადა რიმა ბერაძემ.
შეხვედრას მინისტრის მოადგილე, სამინისტროს წარმომადგენლები, ჩუღურეთის რაიონის გამგებლის მოადგილეები ზურაბ ბაქანიძე და ლადო გოქსაძე, ასევე მაჟორიტარი დეპუტატის ბიუროს თანამშრომლები ესწრებოდნენ.
