თბილისს ოფიციალური ვიზიტით ბულგარეთის პრეზიდენტი როსენ პლევნელიევი ეწვევა. საქართველოსა და ბულგარეთის პრეზიდენტები სტიქიის შედეგად დაზარალებულ ადგილებს მოინახულებენ და დაღუპულების ხსოვნას პატივს მიაგებენ. ბულგარელ კოლეგას საქართველოს პრეზიდენტი გიორგი მარგველაშვილი უმასპინძლებს. ვიზიტის ფარგლებში ბულგარეთის პრეზიდენტი საქართველოს პრემიერ-მინისტრსა და პატრიარქს შეხვდება. როსენ პლევნელიევის ორდღიანი ვიზიტი აჭარაში დასრულდება. ის მონაწილეობას მიიღებს საერთაშორისო კონფერენციაში „საქართველოს ევროპული გზა“.
