გარემოს დაცვის მინისტრი გიგლა აგულაშვილი სტიქიის ზონაში ეპიდემიის გავრცელების საფრთხეს ვერ ხედავს. როგორც მან „2030“-ის ეთერში განაცხადა, ვოლიერებში ინტენსიურად მიმდენარეობს გაწმენდითი სამუშაოები.
„ჩამოსულები არიან უცხოელი კოლეგები. ზოოპარკის თანამშრომლები ჩეხი და ებრაელი სპეციალისტებთან ერთად სწავლობენ ეპიდემიის გავრცელების საფრთხეს. მათ მიერ შემუშავებული რეკომენდაციების რეალიზების ფარგლებში ეს საფრთხე პრაქტიკულად აღმოფხვრილი იქნება. ეტაპობრივად ხდება ვოლიერების გაწმენდა და მკვდარი ცხოველების გამოტანა. ასე რომ, ეპიდემიის გავრცელების საფრთხე პრაქტიკულად არ გვაქვს“, - განაცხადა მინისტრმა.
