17-20 ივნისს, ბათუმში, ევროკავშირი-საქართველოს საპარლამეტო ასოცირების კომიტეტის თანათავმჯომარეები შეხვედრებს გამართავენ.
ევროკავშირი-საქართველოს საპარლამენტო კომიტეტის თანათავმჯდომარეები, ზვიად კვაჭანტირაძე და საჯად კარიმი (გაერთიანებული სამეფო/კონსერვატორები) კომიტეტის მომავალ ღონისძიებებსა და სამოქმედო გეგმებზე იმსჯელებენ.
მხარეებმა უკვე შეიმუშავეს კომიტეტის რეგლამენტი, რომელიც უახლოეს მომავალში დამტკიცდება. კომიტეტის საქმიანობასთან დაკავშირებით, თანათავმჯომარეები საქართველოს პრემიერ-მინისტრს, საგარეო საქმეთა მინისტრს და ევროპულ და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრს შეხვდებიან. ევროპარლამენტსა და საქართველოს პარლამენტს შორის პოლიტიკური დიალოგის ერთ-ერთი მთავარი პლატფორმა საქართველო-ევროკავშირის ურთიერთობებს, ქვეყნის მოდერნიზაციის და საკანონმდებლო დაახლოვების პროცესის მთავარ მიღწევებს და არსებულ გამოწვევებს განიხილავს.
ასოცირების ხელშეკრულების თანახმად, „საპარლამენტო ასოცირების კომიტეტი წარმოადგენს ფორუმს ევროპარლამენტისა და საქართველოს პარლამენტის წევრთა შეხვედრისა და აზრთა გაცვლისთვის.
კომიტეტი სხდომებს წელიწადში ორჯერ მონაცვლეობით, თბილისსა და ბრიუსელში გამართავს და რეკომენდაციებს მიიღებს ასოცირების ხელშეკრულების განხორციელების ხელშესაწყობად.