თბილისის მერის დავით ნარმანიას ვარაუდით, ვაკე-საბურთალოს გზა ხვალინდელი დღის ბოლომდე გაიწმინდება. ამის შესახებ მან „2030“-ის ეთერში განაცხადა.
„გაწმენდითი სამუშაოები ინტენსიურ რეჟიმში მიმდინარეობს. დღეს უფრო მეტი რაოდენობის ტექნიკა გვაქვს, ვიდრე ეს იყო გუშინ. შესაბამისად, უფრო სწრაფ ტემპებში მიმდინარეობს გაწმენდითი სამუშაოები. მაგრამ ვაკე-საბურთალოს გზაზე ნაშალი მასალა ძალიან დიდია. ხვალ დღის ბოლოსთვის ძირითადი ნაწილი მიმდებარე ტერიტორიის იქნება გაწმენდილი“, - განაცხადა ნარმანიამ.
ამასთანავე თბილისის მერმა აღნიშნა, რომ სვანიძის ქუჩაზე 23 ეზოდან გამოტანილია ნაშალი მასალები და მის გამოტანაზე ტექნიკა მუშაობს. მისივე თქმით, გაწმენდით სამოშაოებში სხვადასხვა სამსახურების გარდა 300 სამხედრო მოსამსახურე, სპორტსმენები და მოხალისეები აქტიურად იყვნენ ჩართულნი.
