ლეგენდარულმა რუსმა მუსიკოსმა ანდრეი მაკარევიჩმა მუსიკალურ ფესტივალ „ნაშესტვიეს“ სარეკლამო აფიშიდან მისი ჯგუფის სახელწოდების ამოღება მოითხოვა. მისი თქმით, ოპენ-ეარში მონაწილეობაზე „მაშინა ვრემენიმ“ უარი ერთი თვის წინ თქვა. „ჩვენი ჯგუფის სახელი აფიშებიდან დღემდე არ ამოუღიათ. ფესტივალის ორგანიზატორები ხალხს უბრალოდ, ატყუებენ,“-წერს მუსიკოსი სოციალურ ქსელ „ფეისბუკზე.“ „ნაშესტვიე“ გასულ წელს ტვერის ოლქში ჩატარდა. ფესტივალის ორგანიზატორები ბაზრობებზე პუტინის გამოსახულებიან მაისურებს ყიდიდნენ.
