რუსეთის პრეზიდენტი ვლადიმერ პუტინი თბილისში სტიქიის შედეგად დაღუპულთა ოჯახებს უსამძიმრებს, - ამის შესახებ ინფორმაციას რუსული მედია ავრცელებს.
"პრეზიდენტი მწუხარებას გამოთქვამს თბილისში ბუნებრივი კატასტროფის შედეგად დაღუპულების გამო და გამოხატავს თანაგრძნობას მათ მიმართ, ვინც დაშავდა და ვინც სახლები დაკარგა" , - განაცხადა პუტინის პრესსპიკერმა დიმიტრი პესკოვმა ჟურნალისტებთან.
მისივე თქმით, რუსეთის საგანგებო სიტუაციების სამსახურმა საქართველოს უკვე შესთავაზა დახმარება სტიქიის შედეგებთან ბრძოლაში.
