17-18 ივნისს საქართველოს ოფიციალური ვიზიტით ეწვევა ბულგარეთის რესპუბლიკის პრეზიდენტი როსენ პლევნელიევი. ოფიციალური ვიზიტის ფარგლებში გაიმართება ბულგარეთის რესპუბლიკის პრეზიდენტის შეხვედრები საქართველოს პრეზიდენტთან, პრემიერ-მინისტრთან და პარლამენტის თავმჯდომარესთან.
საგარეო უწყების ინფორმაციით, გარდა ოფიციალური შეხვედრებისა, ბულგარეთის პრეზიდენტი გახსნის მე-12 საერთაშორისო კონფერენციას „საქართველოს ევროპული გზა“.
გარდა ამისა, 17-18 ივნისს საქართველოს სამუშაო ვიზიტით ეწვევა ლიტვის რესპუბლიკის საგარეო საქმეთა მინისტრი ლინას ლინკევიჩუსი.
,,ბუნებრივია, განხილულ იქნება რიგის „აღმოსავლეთ პატნიორობის“ სამიტის შედეგები და საქართველოს ევროპული და ევრო-ატლანტიკური დღის წესრიგი. განსახილველ საკითხებს შორის არის ორმხრივი და მრავალმხრივი ურთიერთობის საკითხები, საქართველოს ოკუპირებულ ტერიტორიებზე არსებული ვითარება და უსაფრთხოების მდგომარეობა რეგიონში”, _განაცხადა საგარეო უწყების პრესსპიკერმა დავით კერესელიძემ.
19-20 ივნისს კი შედგება ავსტრიის რესპუბლიკის ეროვნული საბჭოს (პარლამენტის) მეორე პრეზიდენტის კარლჰაინც კოპფის სამუშაო ვიზიტი საქართველოში.
აღსანიშნავია, რომ ბოლო ერთი წლის განმავლობაში ბატონი კოპფი უკვე მეორედ სტუმრობს ჩვენს ქვეყანას.
19-20 ივნისს დაგეგმილი ვიზიტის ფარგლებში კარლჰაინც კოპფი მონაწილეობას მიიღებს ბათუმში, ყოველწლიურ საერთაშორისო კონფერენციაში „საქართველოს ევროპული გზა“.
აღნიშნულ ღონისძიებაზე დასაწრებად 18-19 ივნისს, საქართველოს სამუშაო ვიზიტით ეწვევა ნორვეგიის სამეფოს ევროპული ეკონომიკური ზონისა და ევროკავშირის საქმეთა მინისტრის მოადგილე ინგვლიდ ნეს სტუბი. იგი შეხვედრებს გამართვას ეკონომიკური ბლოკის მინისტრებთან გიორიგ კვირიკაშვილთან და ნიდარ ხადურთან.
