თანამედროვე ქალაქებში ხევის ადიდების შედეგად ადამიანები არ იღუპებიან, - ასე უპასუხა საქართველოს პრეზიდენტმა გიორგი მმარგველაშვილმა შეკითხვას - ხედავს თუ არა მომხდარის გამო ვინმეს პასუხისმგებლობას, მათ შორის - წინა ხელისუფლებაში.
"მე არ ვარ ამ სფეროში კომპეტენტური და ვერც ერთ თემას ვერ მივაბამ წინა ხელისუფლებას, ვერც იმის წინა ხელისუფლებას, ვერც კომუნისტების პერიოდს, იმიტომ რომ არ ვარ ურბანული დაგეგმარების სპეციალისტი. მე თქვენ გესაუბრებით ფაქტზე – თანამედროვე ქალაქებში ხევის ადიდების შედეგად ადამიანები არ იღუპებიან. მეორე - თუ ჩვენ დავიწყებთ დამნაშავეების ძიებას და არა ვითარების პროფესიურ შესწავლას, კიდევ უფრო დავიკარგებით დეტალებში. ჩვენ უნდა გვქონდეს კვალიფიციური დასკვნა სპეციალისტების იმასთან დაკავშირებით, რამ გამოიწვია ეს პრობლემა. ამ თვალსაზრისით მე არა პოლიტიკურ, არამედ მეცნიერულ მსჯელობას ველოდები და იმედი მაქვს, რომ ასეთი მსჯელობა შედგება, რადგან საქართველოს ჰყავს მართლაც გამორჩეული სპეციალისტები ბევრ დარგში”, - განაცხადა საქართველოს პრეზიდენტმა.
