სტიქიის მიზეზებს სპეციალური ჯგუფი სალიკვიდაციო სამუშაოების პარალელურ რეჟიმში შეისწავლის, - ამის შესახებ პრემიერ-მინისტრმა ირაკლი ღარიბაშვილმა ტელეკომპანია "იმედის" პირდაპირ ეთერში განაცხადა.
მისივე თქმით, არ უნდა გააკეთოს არაკომპეტებტური შეფასება ახალი გზის არასწორ მშენებლობასთან დაკავშირებით, ამიტომ ექსპერტების პასუხს დაელოდება.
,,პარალელურ რეჟიმში დავიწყებთ უკვე გამომწვევი მიზეზების დადგენას, თუ რატომ მოხდა ასეთი სტიქია. რა თქმა უნდა, ამის წინასწარ განჭვრეტა რთული იქნებოდა, ჩვენ არ ვართ ისეთ კონდიციაში, რომ წინასწარ განვჭვრიტოთ მოსალოდნელი საფრთხე, თუმცა მე გეტყვით, რომ ამას სჭირდება კარგად გაანალიზება. მე არ მინდა, რომ გავიმეორო ექსპერტების და სპეციალისტების აზრი თუნდაც ახალი გზის თაობაზე. საუბრობენ იმაზეც, რომ იქ გვირაბები არასწორად იქნა გაკეთებული. მე ამ საკითხში არ ვარ კომპეტენტური და მე არ მინდა ამ საკითხში დამატებითი სპეკულაციები შევიტანო. თუმცა, რა თქმა უნდა სპეციალური ჯგუფი, რომელიც ამ საკითხს შეისწავლის და დადებს საბოლოო დასკვნას ეს იქნება გასაჯაროვებული", - განაცხადა ღარიბაშვილმა.
მისივე თქმით, თუ გამოიკვეთება დანაშაულის ნიშნები, აუცილებლად უნდა დადგეს პასუხისმგებელობის საკითხი.
