თბილისის საკრებულოს წევრი „ნაციონალური მოძრაობიდან“ სევდია უგრეხელიძე მზად არის პირადად ჩაერთოს გაწმენდით სამუშაოებში. ამის შესახებ მან „იმედის კვირის“ ეთერში განაცხადა.
„მზად ვარ ცოცხი და ნიჩაბი ავიღო და გავაკეთო ის, რაც საჭიროა“. - განაცხადა სევდია უგრეხელიძემ.
ამასთანავე საკრებულოს დეპუტატმა აღნიშნა, რომ ამ ვითარებაში პოლიტიკური ქულების დაწერის დრო არ არის, რადგან „სტიქიური უბედურება არ შეიძლება იყოს გამოწვეული რომელიმე პარტიული კუთვნილებით“.
„არც ერთმა მხარემ ეს არ უნდა გამოიყენოს პოლიტიკური ნიშნით, ვინაიდან ეს არის საერთო ტრაგედია. ვინც წითელ ხაზებს გადაკვეთს - ვერაფერს მოიგებს. გვესმის, რომ მთავრობას აქვს მძიმე მდგომარეობა“, - დასძინა სევდია უგრეხელიძემ.
