უსაფრთხოების და კრიზისების მართვის საბჭოს მდივნის მინდია ჯანელიძის თქმით, სტიქიის შედეგად ყველა დარჩენილი უსახლკარო ოჯახი უზრუნველყოფილია დროებითი საცხოვრებლით. ამის შესახებ მან „იმედის კვირაში განაცხადა.
„ყველა უსახლკარო უზრუნველყოფილია დროებითი საცხოვრებელი ფართით“, - თქვა ჯანელიძემ.
ამასთანავე უსაფრთხოების მდივანმა აღნიშნა, რომ საძიებო სამუშაოები დაკარგული ადამიანების მიგნების მიზნით აქტიურად მიმდინარეობს.
„საძიებო სამუშაოები, მათ შორის საფრენი აპარატებით, მიმდინარეობდა გამთენიიდან, როგორც კი ხილვადობამ საშუალება მოგვცა. ასევე ვაწარმოებთ გაწმენდით სამუშაოებს“, - აღნიშნა ჯანელიძემ.
