საქართველოში მთის რეგიონების განვითარების კოორდინირების მიზნით, შესაძლოა სახელმწიფო მინისტრის პოსტი შეიქმნას. ამის შესახებ ჟურნალისტებთან გარემოს დაცვის კომიტეტის თავმჯდომარემ გია ჟორჟოლიანმა ისაუბრა.
„უმრავლესობის წევრებს ინიციატივა გვაქვს, რომ სპეციალური სახელმწიფო მინისტრის პოსტი შეიქმნას, რომელიც კანონის ასრულებასა და მთის რეგიონების განვითარებას უზრუნველყოფს, ასევე კოორდინირებას მოახდენს სხვადასხვა უწყებებისას. ვფიქრობ, რომ ამ ჩვენს წინადადებას მთავრობა გაითვალისწინებს“, - აცხადებს ჟორჟოლიანი.
შეგახსენებთ, პარლამენტში ინიცირებულია „მაღალმთიანი რეგიონების განვითარების შესახებ“ კანონპროექტი, რომელიც მაღალმთიანი რეგიონების სოციალურ-ეკონომიკურ განვითარებას ითვალისწინებს და მთაში მცხოვრები პირებისთვის გარკვეულ შეღავათებს აწესებს.
