პრემიერ-მინისტრის ირაკლი ღარიბაშვილის განცხადებით, საქართველო კანონის უზენაესობის მაჩვენებლის მიხედვით წინ უსწრებს ევროკავშირის ისეთ ქვეყნებს, როგორიცაა იტალია, რუმინეთი, საბერძნეთი, ხორვატია, უნგრეთი. პრემიერმა მთავრობის დღევანდელ სხდომაზე განაცხადა, რომ ორი დღის წინ გამოქვეყნებული ინდექსის მონაცემები, არის პასუხი იმ კრიტიკოსების და სკეპტიკოსების მისამართით, ვინც მთავრობის მუშაობას აკრიტიკებს.
„სულ რაღაც ორი დღის წინ გამოქვეყნდა ახალი მონაცემები. კანონის უზენაესობის ინდექსის თანახმად, საქართველოს პოზიცია რეიტინგში წინა წელთან შედარებით კიდევ უფრო გაუმჯობესდა და მსოფლიოში 29-ე ადგილს ვიკავებთ. მინდა გითხრათ, რომ კანონის უზენაესობის შესაფარდებლად გამოყენებული ფაქტორის თანახმად, საქართველოს ყველაზე მაღალი მაჩვენებელი კორუფციის არარსებობის კუთხით აქვს, რომლის მიხედვითაც მსოფლიო რეიტინგში 22-ე პოზიციას ვიკავებთ. ასევე გამოვირჩევით ღია მმართველობის მაღალი მაჩვენებლით და მთელ მსოფლიოში 29-ე ადგილზე ვართ. ტექნიკის და უსაფრთოების ფაქტორების მაჩვენებლის მიხედვით კი 24-ე ადგილზე“, - აღნიშნა პრემიერმა.
საქართველოს მთავრობა დღევანდელ სხდომაზე სახელმწიფო ბიუჯეტის კორექტირებულ ვარიანტს განიხილავს. ბიუჯეტის პროექტს მთავრობის სხდომაზე მინისტრთა კაბინეტის წევრებს ფინანსთა მინისტრი ნოდარ ხადური წარუდგენს.
