ეროვნული ბანკიდან საბანკო სექტორის ზედამხედველობის სამსახურის გამოყოფის საკითხზე მსჯელობა მომავალი სასესიო კვირისთვის გადაიდო. საფინანსო-საბიუჯეტო კომიტეტის თავმჯდომარის თქმით, ამ პერიოდში პარლამენტი მზადყოფნას გამოთქვამს, კონსულტაციებში ყველა დაინტერესებული მხარე ჩართოს, თუმცა საკითხი, რომლის თაობაზეც საკანონმდებლო ცვლილებათა პაკეტის ინიციატორები დიალოგის გამართვას არ აპირებენ, საბანკო ზედამხედველობის სამსახურის ეროვნული ბანკიდან გასვლაა.
