„შემდეგი კითხვა, თუ შეიძლება“ - ასე უპასუხა ზურაბ ადეიშვილმა „არჩევანის“ ჟურნალისტის შეკითხვაზე საქართველოს მოქმედი იუსტიციის მინისტრის საქმიანობის შეფასების შესახებ. ამასთანავე ყოფილი მინისტრი აკრიტიკებს პროკურატურის მუშაობას და აცხადებს, რომ უწყება თავს ვერ ართმევს მასზე დაკისრებულ ვალდებულებებს.
"გული მწყდება, რომ პროკურატურა აგებს ბრძოლას კრიმინალთან და კორუფციასთან. ეს ხდება იმის გამო, რომ ვერ აკეთებს თავის ძირითად ამოცანებზე კონცენტრირებას, რადგანაც ბევრი პოლიტიკურად მოტივირებული საქმე აქვს. ვერ ასცდა პროკურატურა პოლიტიკურ ზეგავლენებს. ის არის ინსტრუმენტი მმართველი პოლიტიკური ძალის და, შესაბამისად, პრობლემები, რომელიც დღეს არის პროკურატურაში, აქედან გამომდინარეობს", - ამბობს ზურაბ ადეიშვილი.
