სასჯელაღსრულების მინისტრის მოადგილემ კახა კახიშვილმა მკაცრად გააკრიტიკა ნაფიც მსაჯულთა სასამართლოს სისტემა საქართველოში. როგორც მან გადაცემა „2030“-ში განაცხადა, ნაფიც მსაჯულთა სისტემა არ ითვალისწინებს ქართულ ტრადიციებს და ეს ინსტიტუტი ვერ გაამართლებს. იურისტის თქმით, დაუფიქრებლად ევროპული ტრადიციების მიღება არ შეიძლება, «თორემ დავემსგავსებით „ფუფალებს“».

„როცა დადგა საქართველოში საკითხი ნაფიც მსაჯულთა ინსტიტუტის შემოღებაზე, მაშინაც განვაცხადე, რომ ჩვენს ქვეყანაში ეს სისტემა ვერ გაამართლებს. <...> ზოგადად, ხომ უნდა გავითვალისწინოთ, რამდენად პოლიტიზირებულნი ვართ, რამდენად კარგად ვიცნობთ ერთმანეთს ან ვინმეს მეშვეობით ან პირადად. ხალხი ლუკმა პურის შოვნაზეა გადასული და ამ დროს შენ დაავალო, რომ პასუხისმგებლობა აიღოს და ვინმე სცნოს დამნაშავედ ან გაამართლოს - ეს ძალიან დიდი მოლოდინია

ჩვენ საერთოდ მიჩვეულები ვართ, რომ რაღაცა გადმოვიტანოთ ყოველგვარი ტრადიციების გათვალისწინების გარეშე და მერე იმითი ვიყოთ კმაყოფილები, რომ რომელიმე ევროპელი ექსპერტი ტაშს დაგვიკრავს, მაგრამ არ ვუფიქრდებით, რამდენად იმუშავებს. <...> დაუფიქრებლად არაფრის მიღება არ შეიძლება ტრადიციების გათვალისწინების გარეშე, თორემ ნელ-ნელა დავემსგავსებით „ფუფალებს“, როდესაც ფაქტობრივად მივიღებთ იმაზე მეტს, ვიდრე არის ეს ტრადიციულ ევროპულ ქვეყნებში. ევროპული ღირებულება არ არის

ადათ-წესებზე უარის თქმა. ევროპული ღირებულებები შეგვიძლია დავამკვიდროთ ჩვენი ტრადიციების და ქვეყნის პრიორიტეტების გათვალისწინებით“, - განაცხადა კახა კახიშვილმა.