საქართველოს პრეზიდენტი კაპრალ რამაზ დავითაიას გარდაცვალების გამო მწუხარებას გამოთქვამს. გიორგი მარგველაშვილი რამაზ დავითაიას ოჯახსა და ახლობლებს სამძიმარს უცხადებს.
„ვუსამძიმრებ დღეს დაღუპული ჩვენი თანამემამულის, რამაზ დავითაიას ოჯახს. იგი გმირულად იბრძოდა როგორც ბრძოლის ველზე, ისე მისი დაჭრის შემდეგ იმისათვის, რომ საქართველოს ერთგულ მეომართა რიგებში დარჩენილიყო. ამ მძიმე წუთებში თანაგრძნობას ვუცხადებ მის ოჯახს, ასევე ყველა სამხედროსა და საქართველოს ყველა მოქალაქეს“, - განაცხადა გიორგი მარგველაშვილმა. ქვეყნის პირველმა პირმა აღნიშნული სამძიმარი ნატო-ს სტრატეგიული სამხედრო პარტნიორობის კონფერენციის მონაწილეების საპატივსაცემოდ, საქართველოს პრეზიდენტის სასახლეში გამართულ მიღებაზე სიტყვით გამოსვლისას განაცხადა.
