საარჩევნო სისტემის რეფორმიერებასთან დაკავშირებით პოლიტიკოსების ძალისხმევა, საქართველოს დემოკრატიული მომავლისკენ სწრაფვას გულისხმობს, - ამის შესახებ საქართველოში აშშ-ის ელჩმა რიჩარდ ნორლანდმა, კონფერენციის „საქართველოს დემოკრატიული სისტემა: ძირითადი ინსტიტუტები 2011-2015 წლებში“ დაწყებისას ჟურნალისტებთან საუბრისას განაცხადა.
მან ხაზი გაუსვა საკონსტიტუციო სასამართლოს მიერ, მაჟორიტარულ ოლქებთან დაკავშირებით მიღებული გადაწყვეტილების მნიშვნელობას.
,,ჩვენ ნამდვილად არ შეგვიძლია ვთქვათ, ქართული საარჩევნო სისტემის რომელი სისტემა არის საუკეთესო. ეს თავად საქართველოში გადასაწყვეტია. მნიშვნელოვანია, რომ პარლამენტის წევრები ჩართული არიან ამ პროცესში და მიმდინარეობს გადაწყვეტილებაზე მუშაობა, რაც გულისხობს საქართველოს დემოკრატიული მომავლისკენ სწრაფვას. ჩვენ ვუჭერთ მხარს ამ ძალისხმევას, რომელსაც ქართველო პოლიტიკოსები ავლენენ“, - განაცხადა რიჩარდ ნორლანდმა.
შეგახსენებთ, კოალიცია „ქართული ოცნების“ გადაწყვეტილებით, 2016 წლის შემოდგომაზე საპარლამენტო არჩევნები მოქმედი შერეული სისტემით ჩატარდება.
