"მაუწყებლობის შესახებ" საქართველოს კანონში ცვლილებები შედის. როგორც კანონპროექტის განმარტებით ბარათშია აღნიშნული, მისი მიღება განპირობებულია ქვეყნის 2015 წლის 17 ივნისიდან ციფრულ მიწისზედა სატელევიზიო მაუწყებლობაზე გადასვლასთან დაკავშირებით.
აღნიშნული ცვლილებების განხორციელება იწვევს რიგი ტერმინების ახლებურად ჩამოყალიბებას.
კანონპროექტით დანმტკიცებულია, რომ საზოგადოებრივი მაუწყებელი უფლებამოსილი იქნება სრულად გამოიყენოს ერთი ციფრული მულტიფლექსი საკუთარი სატელევიზიო არხების გასავრცელებლად და შემდგომი გაფართოებისათვის. ასევე კანონპროექტის მიხედვით, ამავე მულტიფლექსში ერთი არხი დაეთმობა საზოგადოებრივი მაუწყებლის აჭარის ტელევიზიას.
კანონპროექტს დაემატა დამატებითი აკრძალვა, რომ საქართველოში მაუწყებლობის სფეროში ლიცენზირება/ავტორიზება ეკრძალება უცხო ქვეყნის პოლიტიკურ პარტიას ან მის თანამდებობის პირს. უცხო ქვეყნის ადმინისტრაციულ ორგანოს, თანამდებობის პირს, საჯარო მოხელეს და ადმინისტრაციულ ორგანოსთან უერთიერთდამოკიდებულების მქონე იურიდიულ პირს, გარდა იმ შემთხვევისა რაც გათვალისწინებულია საქართველოს საერთაშორისო ხელშეკრულებებით.
კანონპროექტით მაუწყებლობა ხორციელდება ავტორიზაციის ან ლიცენზიის საფუძველზე. ტელემაუწყებლობა და რადიომაუწყებლობა (გარდა საეთერო რადიომაუწყებლობისა) ხორციელდება ავტორიზაციის საფუძველზე; საეთერო რადიომაუწყებლობა ხორციელდება ლიცენზიის საფუძველზე.
კანონპროექტით დამატებით განისაზღვრა, რომ მაუწყებლობის სფეროში ავტორიზაცია, ავტორიზაციის მოდიფიცირება და მაუწყებლის ინიციატივით შეჩერება ან გაუქმება ხორციელდება მარტივი ადმინისტრაციული წარმოების წესით. კომისიის ინიციატივით მაუწყებლობის შეჩერება და გაუქმება ხორციელდება საჯარო ადმინისტრაციული წარმოების წესით.
კანონპროექტით გათვალისწინებულია, რომ თანამგზავრული მაუწყებლობის ტრანზიტზე ავტორიზებულ პირს მასთ ქერით სატელევიზიო არხის გავრცელების ვალდებულობა წარმოეშვება იმ შემთხვევაში თუ მაუწყებელი ასევე არის ავტორიზებული თანამგზავრულ მაუწყებლობაზე და ახორციელებს ღია თანამგზავრულ მაუწყებლობას.
კანონპროექტი კრძალავს, მაუწყებლობის განხორციელებესას, თუნდაც კოდირებული ფორმით, გაშვებულ იქნას ისეთი პროგრამა ან რეკლამა, რომელიც ლახავს ადამიანისა და მოქალაქის ღირსებასა და ძირითად უფლებებს.
კანონპროექტის თანახმად, მთავარი მოვლენების შესახებ ექსკლუზიური საეთერო მაუწყებლობა დაუშვებელი ხდება, გარდა სპორტული რეპორტაჟებისა, საერთაშორისო ფესტივალების და კონკურსებისა. ამ შემთხვევაში მთავარი მოვლენების ექსკლუზიურ მაუწყებლობას ახორციელებს საეთერო მაუწყებელი, რომლის სამაუწყებლო ბადეც უფასოდ ხელმისაწვდომია საქართველოს მოსახლეობის არანაკლებ 90%-ისათვის.
კანონპროექტით ახლებურად მოწესრიგდა კონცეტრაციის აკრძალვა, რომლის მიხედვითაც ციფრულ მულტიპლექსში შესაძლებელია ჩართული იქნას ერთი პირის ან მასთან ურთიერდამოკიდებულების მქონე პირის მფლობელობაში მქონი არაუმეტეს 5 არხი. კანონპროექტით გათვალისწინებულია, ავტორიზაციის არამართლზომიერი შეჩერების და გაუქმებას დროს, ავტორიზებული პირის მიერ ზიანის ანაზღაურების მოთხოვნა, რომლის ოდენობასაც საბოლოოდ განსაზღვრავს სასამართლო.
კომისია ვალდებული ხდება ციფრულ სატელევიზიო მაუწყებლობაზე გადასვლასთან ერთად, იმ მაუწყებლებს, რომლებიც ფლობდნენ მაუწყებლობის ლიცენზიას, ავტომატურად მიანიჭოს ავტოროზაცია.
განისაზღვრა საქართველოს მთავრობის ვალდებულება, მაუწყებლობის ლიცენზიის მფლობელებს დაუბრუნოს გადახდილი საფასურის, ლიცენზიის ვადით დარჩენილი დროის პროპორციულად.