საქართველოს თავდაცვის სამინისტრო 24-საათიან რეჟიმში იმუშავებს იმისათვის, რომ მიიღოს „MAP“-ი 2016 წელს ნატოს სამიტზე ვარშავაში. ამის შესახებ უწყების ხელმძღვანელმა თინა ხიდაშელმა „2030“-ის ეთერში განაცხადა.
„მე ვიბრძოლებ „MAP“-ისთვის ვარშავის სამიტზე. ეს არის ჩემი ამოცანა და ის დღისწესრიგი, რომელითაც ვაპირებ 13 თვის განმავლობაში ვიმუშაო, - განაცხადა მინისტრმა და განავრცო: - მე როგორც თავდაცვის მინისტრი, მთელი თავდაცვის სამინისტრო, გენშტაბი, სამოქალაქო ოფისი მზად ვართ, რომ 24-საათიან რეჟიმში კვირაში 7 დღე ვიმუშაოთ 2016 წლის 9 ივლისამდე იმისათვის, რომ ყველა პირობა შევასრულოთ, ყველანაირი სკეპტიციზმი გავფანტოთ და მივიღოთ შედეგი“.
