იუსტიციის მინისტრის თეა წულუკიანის შეფასებით, საქართველოს ყოფილმა პრეზიდენტმა მიხეილ სააკაშვილმა „კიევში უბრალოდ ვერ ივარგა და ის გაუშვეს ოდესაში“. ამის შესახებ თეა წულუკიანმა „იმედის კვირის“ ეთერში განაცხადა. გარდა ამისა მინისტრმა აღნიშნა, რომ მას ბევრი შეხვედრები ჰქონდა უკრაინულ მედიასთან და რომ უკრაინელი ხალხი იმედგაცრუებულია ქართული გუნდის უკრაინაში მუშაობით.
„უკრაინელ ხალხში დიდია იმედგაცრუება. ის „სპეცეფექტები“ და დაჭერები, რომლებიც ისინი [სააკაშვილის გუნდი] გეგმავდნენ და რეფორმებად ჰყიდნენ, ჩავარდა, იმიტომ რომ უკრაინელი ხალხი არ უშვებს იმას, ვიღაცას კამერით დაეტაკო და მტკიცებულებების გარეში ციხეში ჩასვა. მე იმედი მაქვს, რომ სააკაშვილი ამ გამოწვევას უფრო წარმატებით გაუსწორებს თვალს, ვიდრე მან რეფორმატორობა და „ტრანსფორმატორობა“ შეძლო კიევში, სადაც არც ერთი რეფორმა მისი ხემძღვანელობით ვერ განხორციელდა. ჩემი დასკვნაა: კიევში მან უბრალოდ ვერ ივარგა და ის გაუშვეს ოდესაში“, - განაცხადა წულუკიანმა.
