თბილისს ოთხდღიანი ვიზიტით, პორტუგალიის პარლამენტის საქართველოსთან საპარლამენტო მეგობრობის ჯგუფი ხელმძღვანელი ჟოაო გონსალვის პერეირა ეწვევა.
ხვალ პორტუგალიელი სტუმარი პარლამენტის თავმჯდომარეს დავით უსუფაშვილს, საგარეო ურთიერთობათა კომიტეტის თავმჯდომარის პირველ მოადგილეს ზვიად კვაჭანტირაძეს, საქართველო-პორტუგალიის საპარლამენტო მეგობრობის ჯგუფის წევრებსა და თავდაცვისა და უშიშროების კომიტეტის თავმჯდომარეს ირაკლი სესიაშვილს შეხვდება. ასევე დაგეგმილია შეხვედრა საქართველოს სავაჭრო-სამრეწველო პალატის გენერალურ დირექტორთან ნინო ჩიქოვანთან.
მომდევნო დღეებში ჟოაო გონსალვის პერეირა ცალკეული სამინისტროების წარმომადგენლებსაც შეხვდება.
პორტუგალიის პარლამენტის საქართველოსთან საპარლამენტო მეგობრობის ჯგუფი ხელმძღვანელი თბილისს 4 ივნისს დატოვებს.
