ვიცე-სპიკერის მანანა კობახიძის თქმით, პოლიტიკურ სივრცეში იქმნება კიდევ ერთი "ნაციონალური მოძრაობა" ოღონდ ახალი სახელით. ასე შეაფასა უმრავლესობის წევრმა "რეაქციის" ეთერში „ნაცმოძრაობის“ წევრების გადაწყვეტილებას პარტიიდან წასვლასთან დაკავშირებით.
"როგორც ჩანს პრობლემა შიგნით არის. მე ვფიქრობ, ეს იქნება ისევ "ნაციონალური მოძრაობა" ახალი სახელით. მთელი პრობლემა მათი იმაშია, რომ ისინი ვერ ემიჯნებიან მიხეილ სააკაშვილს, ვერ აღიარებენ რომ ვანო მერაბიშვილი არის დამნაშავე, ვერ აღიარებენ, ახლაიების იმ საქმიანობას, რომელსაც პირდაპირ კავშირი ჰქონდათ ციხეებში ადამიანების წამებასთან. დანაშაულს ვერ არქევენ დანაშაულს", - განაცხადა მანანა კობახიძემ.
