საგარეო საქმეთა მინისტრის თამარ ბერუჩაშვილის განცხადებით, ათონელის რეზიდენციის შენობა საგარეო უწყებისთვის არ განიხილება.
როგორც მან მთავრობის სხდომის დასრულების შემდეგ ჟურნალისტებთან განაცხადა,
საგარეო უწყების შენობის მდგომარეობის შესახებ საკითხი დღეს ანალოგიურ თემებზე საუბრისას დაისვა.
„ზოგადად, ეს საკითხი დაისვა, ანალოგიურ თემებზე ისაუბრეს სხვა ჩემმა კოლეგებმა. არანაირი კავშირი სხვა შესაძლო ვარიანტებთან და გადაადგილებებთან არ არის. საუბარია შენობის მდგომარეობის შესახებ. ის ფაქტი, რომ საგარეო საქმეთა სამინისტროს შენობა ავარიულ მდგომარეობაშია, ახალი არ არის და როგორც მე ვთვლი, წინა ხელისუფლებების პირობებში, სერიოზული თანხა დაიხარჯა აღდგენა-გამაგრებითი სამუშაოებისთვის“, - განაცხადა თამარ ბერუჩაშვილმა და დასძინა, რომ პირადად არ განვიხილავს ათონელის თემას მისი უწყებისთვის.
