საქართველოს სოფლის მეურნეობის სამინისტრო დაინტერესებულია იმ პროდუქციის ექსპორტით, რომლის ექსპორტიც რუსეთში ამ დრომდე არ ხორციელდება. ამის შესახებ ჟურნალისტებს პრემიერის სპეციალურმა წარმომადგენელმა რუსეთთან ურთიერთობების საკითხში ზურაბ აბაშიძემ განუცხადა. მისი თქმით, სწორედ ეს საკითხი იქნება მისი და გრიგორი კარასინის შეხვედრაზე განხილვის ერთ-ერთი თემა. აბაშიძის ინფორმაციით, მომავალ შეხვედრას სავარაუდოდ, დაესწრება ეკონომიკის სამინისტროს წარმომადგენელიც.
,,შეხვედრებზე განხილვის თემებია სავაჭრო-ეკონომიკური ურთიერთობები, სატრანსპორტო კავშირები, ჰუმანიტარული საკითხები, ასე, რომ ამ საკითხებში ექსპერტის დასწრება, მე ვფიქრობ, ლოგიკური იქნება. მრავალი თემაა განსახილველი. სოფლის მეურნეობის სამინისტრო არის დაინტერესებული. საუბარია ჩვენი პროდუქციის ექსპორტზე რუსეთში. რაღაც ნაწილი ჩვენი პროდუქციისა ჯერ კიდევ არ გადის და განხილვის სტადიაშია, რომ ეს პროდუქციაც იქნას დაშვებული რუსეთის ბაზაზე. ასობით მილიონის პროდუქცია შეიძლება დამატებით შევიდეს რუსეთის ბაზარზე", - განაცხადა ზურაბ აბაშიძემ.
აბაშიძე-კარასინის შეხვედრა ივნისშია დაგეგმილი.
