რუსული კომპანიების მხრიდან საქართველოს რკინიგზის ტრანზიტისთვის გამოყენებისადმი ინტერესი იზრდება. ამის შესახებ ჟურნალისტებთან რუსეთთან ურთიერთობების საკითხებში საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ განაცხადა.
მისი განმნარტებით, საქართველოს რკინიგზის გამოყენება მათი მხრიდან ყოველთვის ხდებოდა, შესაბამისად ახალი არაფერია.
"უფრო კონკრეტულად ალბათ რკინიგზის სამსახური მოგაწოდებთ ამ საკითხზე ინფორმაციას, მაგრამ ახალი არაფერი არ არის. ეს ხდებოდა, ხდება და კიდევ უფრო მეტი დაინტერესებაა, რამდაც მე ვიცი, რუსული კომპანიებიდან, რომ ეს სატრანზიტო მიმართულება უფრო მეტად იყოს მათი მხრიდან გამოყენებული. ეს დაკავშირებულია ჩვენს საზღვაო პორტებთან; ასე რომ, საინტერესო თემაა და საინტერესო პერსპექტივა აქვს", - განაცხადა ზურაბ აბაშიძემ.
რაც შეეხება შეიძლება თუ არა მოხდეს რკინიგზის რაიმე მონაკვეთის გასხვისება, აბაშიძე ამბობს, რომ ეს საკითხი დღის წესრიგში არ დგას.
მისივე თქმით, გრიგორი კარასინთან მორიგ შეხვედრამდე საქართველოს რკინიგზის წარმომადგენლებთან შეხვედრას გეგმავს.
