ჩემთვის, როგორც თავდაცვის მინისტრისთვის სამხედრო განათლება ერთ-ერთი ყველაზე მნიშვნელოვანი და მთავარი პრიორიტეტია, - ამის შესახებ საქართველოს თავდაცვის მინისტრმა გორში, თავდაცვის აკადემიის იუბილესადმი მიძღვნილ ღონისძიებაზე განაცხადა.
,,ჩემთვის, როგორც თავდაცვის მინისტრისთვის სამხედრო განათლება ერთ-ერთი ყველაზე მნიშვნელოვანი და მთავარი პრიორიტეტია. შეუძლებელია საქართველომ აჯობოს მტერს რამით, გარდა ელიტური ჯარისა, გარდა განათლებული თაობისა, რომლებიც მზად არიან საკუთარი პროფესიონალიზმით, საკუთარი განათლებით, განსაკუთრებული შესაძლებლობებით ტოლი არ დაუდონ არავის და გაიმარჯვონ ყველა რთულ ბრძოლაში. ეს სკოლა სწორედ ამის დასტურია. აკადემიის კურსდამთავრებულთა ღვაწლი საქართველოს შეიარაღებულ ძალებში განსაკუთრებული და ფასდაუდებელია. ამაზეც ითქვა და პატივი უნდა მივაგოთ ყველა იმ ახალგაზრდას, ვინც საკუთარი თავი გასწირა სამშობლოს თავისუფლებისთვის და ჩვენი მომავლისთვის. აკადემია იუნკერთა სკოლის ღირსეული შთამომავალია. შეიარაღებული ძალების სამხედრო ელიტა აქ ყალიბდება, აქ იზრდება ის თაობა, რომელმაც საფუძველი უნდა დაუდოს ძლიერ წარმატებულ ქართულ ჯარს", - აღნიშნა
