პარლამენტის ადამიანის უფლებათა დაცვის კომიტეტის თავმჯდომარის ეკა ბესელიას გაცხადებით, 2011 წლის 25 მაისის დარბევაზე, სახელმწიფომ საკუთარი ვალდებულება უნდა შეასერულოს, წინააღმდეგ შემთხვევაში ხდება დანაშაულის წახალისება. ამის შესახებ განცხადება ბესელიამ კომიტეტის სხდომის დაწყებამდე გააკეთა, სადაც სახალხო დამცველის სანგარისს ისმენენ.
მისი თქმით, 2011 წლის, 25-26 მაისს მშვიდობიანი მომიტინგეების დარბევას, მოჰყვა რამდენიმე ადამიანის დაღუპვა, ცემა, დაპატიმრება და ამ საქმეზე თამნამდებობის პირების პასუხისგებაში მიცემა არ არის პოლიტიკური დევნა, არამედ სახელმწიფოს ვალდებულებაა.
„ეს იყო ყველაზე სისხლიანი ანგარიშსწორება მშვიდობიანი მომიტინგეების მიმართ. მოთხოვანა იყო, რომ ამ საქმის გამოძიება მომხდარიყო და კარგია, რომ ამ მძიმე დანაშაულზე სახელმწიფომ ეს ვალდებულება გაიაზრა და სასამართლო პროცესებიც ჯერ არ დასრულებულა. აქციის დარბევა პოლიტიკურ დონეზე მიღებული გადაწყვეტილება იყო, რადგან ამ გადაწყვეტილებას რიგითები ვერ მიიღებდნენ. ძალიან მნიშვნელოვანია, რომ სახელმწიფომ საკუთარი ვალდებულება შესრულოს, რადგან დანაშაულის წახალისება ხდება მისი რეაგირების გარეშე“, - დასძინა ბესელიამ.
შეგახსენებთ, 2011 წლის 26 მაისს, ნინო ბურჯანაძის მიერ ორგანიზებული აქციის დარბევა მოხდა. საქმეზე ბრალდებულია ყოფილი შს მინისტრი ვანო მერაბიშვილი.
