ავარია სენაკი-ფოთის ცენტრალურ მაგისტრალზე, სოფელ ჭალადიდის მონაკვეთთან მოხდა. შემთხვევის შედეგად 3 ადამიანი, დედა და მისი 3 და 5 წლის შვილები გარდაიცვალნენ. ,,რუსთავი 2”-ის ინფორმაციით, შემთხვევა მაშინ მოხდა, როდესაც დედა შვილებთან ერთად სავარაუდოდ გზას კვეთდა. მსუბუქი ავტომანქანის მძღოლი, რომელიც სამ ადამიანს დაეჯახა, მძიმე მდგომარეობაში ფოთის რეანიმაციულ განყოფილებაში გადაიყვანეს. ექიმების თქმით, დაშავებულის მდგომარეობა კრიტიკულია.
გარდაცვლილებს ექსპერტიზას ქუთაისის საავადმყოფოში ჩაუტარებენ.
