„გაერთიანებული დემოკრატიული მოძრაობის" ერთ-ერთი ლიდერი ირაკლი ბათიაშვილი თამარ ჩხეიძის განცხადებამ გააკვირვა. „იმედის კვირის“ წამყვანის კითხვაზე ეროვნული მოძრაობის ლიდერის და „ნაციონალური მოძრაობის“ ალიანსის შექმნის თეორიულ შესაძლებლობაზე ცნობილი რეჟისორის ქალიშვილმა დადებითად უპასუხა: „კი, თუ ეს ბერკეტს მომცემს ოკუპირებული ტერიტორიების გამანთავისუფლებელი პოლიტიკის გასატარებლად“.
ამ განცხადებაზე ირაკლი ბათიაშვილმა გაკვირვება ვერ დამალა.
„უდიდესს პატივს ვცემ ამ ძალიან დიდი დამსახურების მქონე ადამიანს, მაგრამ მე პირდაპირ გაკვირვებული ვარ. ნუთუ ესეთი მოკლე მეხსიერება გვაქვს ჩვენ?! ცხრა წელი იყო მათი რეჟიმი და თავის ტყავზე იწვნია ჩვენმა მოსახლეობის დიდმა ნაწილმა, რა „სიკეთეები“ თესეს მათ ქართველი ხალხისათვის. ეჭვი მეპარება, რომ თქვენ კარგად გრძნობდით თავს ამ დროს... რატომ მოხდა ეს გადაფასება?!“, - განაცხადა ბათიაშვილმა.
