საქართველოს პირველი ლედი მაკა ჩიჩუა და ავსტრიის პირველი ლედი მარგიტ ფიშერი შალვა ამირანაშვილის სახელობის ხელოვნების მუზეუმს ესტუმრნენ. ორი ქვეყნის პირველმა ქალბატონებმა მუზეუმში დაცული საგანძური დაათვალიერეს. ექსკურსია გიდმა ჩაატარა, რომელმაც სტუმრებს ქართული საგანძურის ისტორიის შესახებ უამბო. ავსტრიის პირველი ლედის დელეგაციაში ასევე პრეზიდენტის მრჩეველი კულტურის დარგში და ავსტირიის ხელოვნების ისტორიის მუზეუმის წარმომადგენლები იმყოფებოდნენ. მასპინძლობა ქალბატონებს შალვა ამირანაშვილის სახელობის ხელოვნების მუზეუმის ხელმძღვანელობამ, არქეოლოგიის დოქტორებმა და მუზეუმის თანამშრომლებმა გაუწიეს. ექსკურსიის დასასრულს პირველ ქალბატონებს საჩუქრად ეროვნული საგანძურის შესახებ მუზეუმიუს მიერ გამოცემული წიგნები გადაეცათ.
