«დასავლეთის მიმართ იმედგაცრუება გაძლიერდა» – ამის შესახებ გადაცემა «პირველი სტუდიში» „დემოკრატიული მოძრაობის“ ლიდერმა ნინო ბურჯანაძემ განაცხადა.
„წლების განმავლობაში საქართველოს მოსახლეობამ დაინახა, რომ იყო მუდმივი დაპირებები, თუნდაც ნატოსთან დაკავშირებით, რომ ნატოს კარი ღიაა, დღეს მოგვცემენ მაპ–ს, ხვალ შეგვიშვებენ ნატოში, ზეგ დაგვიცავენ. გავიდა დაახლოებით 10–15 წელი და ჩვენ ნატოს ერთი ნაბიჯითაც ვერ მივუახლოვდით. ასევე იყო უზომო დაპირებები რომ ევროკავშირის წევრები გავხდებით, რომ გვექნება უვიზო მიმოსვლა", – განაცხადა ბურჯანაძემ.
„დემოკრატიული მოძრაობის“ ლიდერმა ასევე 2008 წელი გაიხსენა:
«მოსახლეობას ახსოვს, როდესაც 2008 წელს შემოვიდა რუსული ტანკები საქართველოში, მართალია, სააკაშვილის წყალობით, მაგრამ მაინც, და ამ დროს ჩვენ დასავლეთისგან რეალური და ეფექტური დახმარება ვერ მივიღეთ. როგორც ეხლა სიმწრით ხუმრობენ პამპერსები და წყალი გამომვიგზავნეს დასახმერებლად".
ბურჯანაძის თქმით, «პამპერსები ხელისუფლებას მაშინ ნამდვილად სჭირდებოდა, მაგრამ საქართველოს მოსახლეობას სჭირდებოდა მხარდაჭერა. ჩვენი გულისთვის რუსეთს ომს არავინ არ დაუწყებს», –აღნიშნა პოლიტიკოსმა.
