ტელეკომპანია იმედის პირდაპირ ეთერში სიტყვიერი შელაპარაკება ფიზიკურ შეხლა–შემოხლაში გადაიზარდა. ერთმანეთს "ევრაზიული არჩევანის“ ლიდერი არჩილ ჭყოიძე და გადაცემის ერთერთი მონაწილე ბადრი შუბლაძე დაუპირისპირდნენ. ჩხუბის მიზეზი გახდა ურთიერთ შეურაწმყოფელი სიტყვები: „ვაშლზე ყიდი სამშობლოს“, „უკანალზე გაყიდეთ საქართველო“...
„ხალხი იმიტომ უჭერს მხარს ევრაზიულ კავშირს, რომ დაინახა ევროპა და დასავლეთი არა საქართველოს საზოგადოებას, არამედ „ლგბტ“ ორგანიზაციებს უჭერს მხარს; არა ქართველ გლეხს, მეწარმეს, მოქალაქეებს, არამედ იმ ხალხს, რომელიც პატრიარქის, ეკლესისს და ქართული ტრადიციების წინააღმდეგ იბრძვიან“, - განაცხადა არჩილ ჭყოიძემ.
სტუმრად მოწვეული ბადრი შუბლაძემ შეეკამათა: „მიმდინარეობს მიზანდასახული ხალხის გაღარიბება. აღარიბებენ შეგნებულად იმისთვის, რომ შემდეგ მოვიდნენ ეს „ჭყოიძეები“ და ადამიანები, რომლებიც ქართულ დროშას გორში ფეხს კრავენ. მიმიფურთხებია იმ გორელისთვის, მაგი რომ მოითმინა. მერე პირდებიან: წაგაღებინებთ და გაგაყიდინებთ ვაშლს... ვაშლზე ყიდით სამშობლოს?!“
საპასუხოდ "ევრაზიული არჩევანის“ ლიდერმა მიმართა: „თქვენ უკანალზე გაყიდეთ საქართველო! უკანალის მოთამაშე ხარ!“. სიტყვიერი შელაპარაკება ფიზიკურ შეხლა–შემოხლაში გადაიზარდა.
