თავდაცვის მინისტრის თინათინ ხიდაშელის შეფასებით, მისი ახლადდანიშნული მოადგილე ანა დოლიძე ძალიან მაღალი კვალიფიკაციის იურისტი და ძალიან პრინციპულია.
„ანას ერთადერთი დამსახურება არ არის ის, რომ ქალია, მთავარი და ყველაზე მნიშვნელოვანი დამსახურება არის ის, რომ ძალიან მაღალი კვალიფიკაციის იურისტია. ეს არის ძალიან პრინციპული ადამიანი. ვფიქრობ, მან ასეთად დაამახსოვრა მთელ საქართველოს თავი ჯერ კიდევ ძალიან პატარამ, როდესაც ის საია-ში მოვიდა, როდესაც ორგანიზაციის ხელმღვანელი იყო წლების განმავლობაში“, - განაცხადა თინათინ ხიდაშელმა.
მისივე თქმით, კადრების შერჩევისას, მისი მხრიდან, მთავარი კრიტერიუმები მაღალი პროფესიონალიზმი და უდიდესი პასუხისმგებლობის გრძნობაა.
„შერჩევის კრიტერიუმი ჩემი მხრიდან, ყველა ადამიანთან მიმართებაში, ვინც ამ სამინისტროში მოვიდა დღეს, როგორც ჩემი გუნდი, ეს არის მათი მაღალი პროფესინალიზმი და ძალიან დიდი პასუხისმგებლობის გრძნობა, რომლითაც ეს ადამიანები ხასიათდებიან. ყველას ძალიან დიდ პატივს ვცემ და ყველა ძალიან მაღალი დონის პროფესიონალი მგონია, ვინც იყო იურისტთა ასოციაციის თავმჯდომარე, მაგრამ ჩემი აზრით, ანა ყველაზე საუკეთესო იყო“, - განაცხადა თინათინ ხიდაშელმა.
თავდაცვის მინისტრმა დღეს მინისტრის პირველ მოადგილედ ფინანასთა მინისტრის ყოფილი მოადგილე დავით ებრალიძე დაინიშნა. მოადგილეების პოსტი ასევე, დაიკავეს საქართველოს ახალგაზრდა იურისტთა ასოციაციის (საია) ყოფილმა თავმჯდომარე ანა დოლიძემ და იურისტმა ბესიკ ლოლაძემ.
