საგარეო საქმეთა მინისტრის პირველი მოადგილე, დავით დონდუა საქართველოში გაეროს ლტოლვილთა უმაღლესი კომისრის წარმომადგენელს სიმონე ვოკენს შეხვდა.
საგარეო უწყების ინფორმაციით, შეხვედრაზე განხილულ იქნა საქართველოში იძულებით გადაადგილებულ პირთა უფლებების დაცვის საკითხები. აღინიშნა საერთაშორისო თანამეგობრობის შემდგომი ძალისხმევის საჭიროება იძულებით გადაადგილებულ პირთა და ლტოლვილთა უსაფრთხო და ღირსეული დაბრუნების უფლების უზრუნველყოფის მიზნით.
შეხვედრის ფარგლებში საუბარი აგრეთვე შეეხო ჟენევის საერთაშორისო მოლაპარაკებებს და ამ ფორმატში ჰუმანიტარულ საკითხების განხილვის ფარგლებში შემდგომი პროგრესის მიღწევის აუცილებლობას.
