საქართველოს პრემიერ-მინისტრმა ირაკლი ღარიბაშვილმა ფინანსთა მინისტრს ნოდარ ხადურსა და უწყების თითოეულ თანამშრომელს, რომლებიც ევროპის რეკონსტრუქციისა და განვითარების ბანკის ღონისძიების მომზადებაში იყვნენ ჩართული, მადლობა გადაუხადა.
როგორც პრემიერმა განახლებული მავრობის პირველ სხდომაზე განაცხადა, EBRD-ის ფორუმი წარმატებით ჩატარდა და ეს იყო უპრეცედენტო ღონისძიება მთელ რეგიონში.
,,მინდა ბატონ ხადურს, მის უწყებას და თითოეულ თანამშრომელს, რომელიც ამ ღონისძიების მომზადებაში იყო ჩართული, მივულოცო ეს ძალიან დიდი წარმატება და მადლობა ვუთხრა მათ. განსაკლუთრებით გელა ხანიშვილს, რომელიც იყო უშუალოდ ამ ჯგუფის ხელმძღვანელი,“ - აღნიშნა ღარიბაშვილმა.
მისივე თქმით, წელს საქართველოში ასევე იგეგმება მნიშვნელოვანი ღონისძიებები, მათ შორის უეფა-ს სუპერთასი, ასევე შავი ზღვის ბანკის ყოველწლიური შეკრება და შემოდგომაზე ასევე, დაგეგმილია აბრეშუმის გზის ფორუმი, რაც პრემიერის განმარტებით, იქნება მნიშვნელოვანი ჩინეთთან ურთიერთობების გაღრმავების კუთხით.
