პრემიერ-მინისტრი ირაკლი ღარიბაშვილი საქართველოს საინვესტიციო მიმოხილვის სესიის გახსნაზე სიტყვით გამოსვლისას, რუსეთის ბაზრის მნიშვნელობასაც შეეხო. მისი თქმით, რუსეთის ბაზრის გახსნა ქართველ ბიხნესებს მნიშვნელოვან სარგებელს სთავაზობს.
„ჩვენი მთავრობა იყენებს პრაგმატულ და რაციონალურ მიდგომას რუსეთთან ურთიერთობებში დაძაბულობის შესამსუბუქებლად. ჩვენ წარმატებით უზრუნველვყავით რუსეთის ბაზრის ხელახლა გახსნა ქართული პროდუქციისთვის, რაც მნიშვნელოვან სარგებელს სთავაზობს ქართველ ფერმერებსა და ბიზნესებს. აღსანიშნავია ასევე, ჩვენი კარგი საინვესტიციო შესაძლებლობები. ქვეყანაში პირდაპირი უცხოური ინვესტიციების უპრეცედენტო ზრდა შეინიშნება. 2014 წლის წინასწარი მონაცემებით, ასეთი ინვესტიციების ოდენობამ მიაღწია 1,3 მილიარდ დოლარს. ეს კი არა მხოლოდ 35 პროცენტით აღემატება 2013 წლის მონაცემებს, არამედ რეკორდული მაჩვენებელია ბოლო ექვსი წლის განმავლობაში. ევროკავშირის წევრი ქვეყნების პირდაპირი უცხოური ინვესტიციების ოდენობა გაიზარდა 64 პროცენტით და გადააჭარბა პირდაპირი უცხოური ინვესტიციების ჯამური ოდენობის ნახევარს. ასოცირების ხელშეკრულების (ღრმა და ყოვლისმომცველი თავისუფალი სავაჭრო სივრცის ჩათვლით) შედეგად კი, ჩვენ მოველით ამ მონაცემების კიდევ უფრო მნიშვნელოვან ზრდას, რაც მოგვცემს საშუალებას, გავზარდოთ საქართველოს განვითარების პოტენციალის გამოყენება“, -განაცხადა ღარიბაშვილმა.
აღნიშნულთან დაკავშირებით მთავრობის მეთაურმა საქართველოს საინვესტიციო მიმოხილვის სესიაზე ისაუბრა, რომელიც პარლამენტის შენობაში, EBRD-ის ყოველწლიური შეხვედრის ფარგლებში იმართება.