პარლამენტის თავმჯდომარემ დავით უსუფაშვილმა, საქართველოში სამუშაო ვიზიტად მყოფი, ატლანტიკური საბჭოს დელეგაცია მიიღო.
შეხვედრაზე მხარეებმა ქვეყანაში მიმდინარე დემოკრატიული რეფორმები, საქართველოს და ზოგადად რეგიონის უსაფრთხოების საკითხები, ევროპულ და ევროატლანტიკურ სტრუქტურებში ქვეყნის ინტეგრაციის პროცესში არსებული გამოწვევები და სამომავლო მოლოდინები, ასევე ეკონომიკური და საინვესტიციო პროექტები, უკრაინის კრიზისი და რუსეთთან არსებული ურთიერთობები განიხილეს.
უცხოელმა სტუმრებმა აღნიშნეს, რომ ატლანტიკური საბჭოს ქვეყანაში, მიმდინარე პოლიტიკურ პროცესებზე და დემოკრატიული ინსტიტუტების განვითარებაზე, პოზიტიური მიდგომები აქვთ. პარლამენტის თავმჯდომარემ მადლობა გადაუხადა ამერიკელ სტუმრებს საქართველოში ვიზიტის გამო და აღნიშნა, რომ ატლანტიკური საბჭოს მიერ მომზადებული ანგარიშები და მოსაზრებები ქვეყნის ხელისუფლებისთვის მნიშვნელოვან ინფორმაციას წარმოადგენს და შესაბამისად, აღნიშნულ ორგანიზაციასთან თანამშრომლობა და პარტნიორობა საქართველოსთვის საინტერესო ფორუმია, რასაც არაერთი მრგვალი მაგიდის ფორმატის შეხვედრაც მოწმობს.
საქართველოში ვიზიტის ფარგლებში, ატლანტიკური საბჭოს წევრები, ქვეყნის აღმასრულებელი და სასამართლო ხელისუფლების წარმომადგენლებს შეხვდებიან.
