,,ეროვნულ-დემოკრატიული ინსტიტუტის” (NDI) მიერ ჩატარებული კვლევის თანახმად, გამოკითხულთა 31%  ეთანხმება,  მოსაზრებას რომ ყოფილი პრემიერი ბიძინა ივანიშვილი კვლავ რჩება  ხელისუფლების საქმიანობაზე გადაწყვეტილების მიმღებ პირად.

ამასთან გამოკითხულთა 41% მიიჩნევს, რომ სასურველია ბიძინა ივანიშვილი არ იყოს ჩართული პოლიტიკური გადაწყვეტილებების მიღების პროცესში, ხოლო რესპოდენტების 30%-ის აზრით, სასურველია ივანიშვილი იყოს პოლიტიკური გადაწყვეტილებების მიმღები პირი  და ამასთან ეკავოს ოფიციალური პოლიტიკური თანამდებობა.

გამოკითხვა   2015 წლის 27 მარტიდან–19 აპრილამდე პერიოდში, საქართველოს მასშტაბით 4,360 პირისპირ ინტერვიუს წარმომადგენლობითი შერჩევის საფუძველზე, ქვეყნის მოსახლეობას შორის ჩატარდა.

კვლევაში საშუალო ცდომილების ზღვარი არის +/- 2,3%.

NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს კავკასიის კვლევითი რესურსების ცენტრი (CRRC).